End User များအတွက် Myanmar Unicode

http://mmitpros.ning.com/profiles/blogs/end-user-myanmar-unicode?xg_source=activity

End User များအတွက် Myanmar Unicode

* Posted by Myint Kyaw Thu on January 26, 2011 at 1:43am
* View Myint Kyaw Thu's blog

ယခုနှစ်ဆန်းပိုင်းမှစ၍ Myanmar Unicode သို့တော်တော်များများ
ပြောင်းသုံးကုန်ပြီ ဖြစ်သည်။ တချို့လဲ ပြောင်းပြီး မသုံးဖြစ်ကြသေးပါ။
အဓိက အခက်အခဲမှာ font download လုပ်ရတဲ့ အခက်အခဲ မဟုတ်ပါ။ Font တွေက free
download လုပ်လို့ရသလို၊ download လုပ်ဖို့ file size ကသေးတယ်ဆိုတော့
connection မကောင်းရင်တောင် ၁ မိနစ်အတွင်း download ဆွဲလို့ရသည်။
ပြီးတော့ တခါတည်းတန်းပြီး install လုပ်၊ browser မှာတန်းပေါ်တော့
အလွန်အဆင်ပြေသည် (Browser တောင် restart ချဖို့မလို)။ အဓိက ပြသနာမှာ
Myanmar Unicode Phobia ရောဂါဖြစ်သည်။ ZawGyi စနစ်သည် စက်ထဲတွင်
ရှိနေပြီး ဖြစ်သည်။ Myanmar Unicode ကိုသုံးဖို့ system
အသစ်ထည့်ရခြင်းမှာ ဘယ်လောက် လွယ်ကူတယ်ဆိုသော်လဲ အလုပ်ကတော့
အလုပ်တခုဖြစ်သည်။ ထို့ကြောင့် ရှိပြီး ZawGyi ထက်ပိုကောင်းမှသာ
အလုပ်ရှုပ်ခံထည့်ရတာ အဓိပါယ်ရှိမည်။ Myanmar Unicode ပညာရှင်များပြောသော
Searching တွေ sorting တွေဆိုတာ ကိုယ်နဲ့ ဘာမှမဆိုင်၊ တိုင်းရင်းသားဘာသာ
မရတော့လဲ ဘာမှမဖြစ်၊ သုံးချင်သူတွေ သူတို့ font သူတို့ထည့်သုံးလိမ့်မည်၊
ကိုယ်မှ သုံးနေတာ မဟုတ်တာ၊ ဗမာစာနဲ့ အင်္ဂလိပ်စာရ တော်ရောပေါ့။ Standard
ဖြစ်တာမဖြစ်တာလဲ၊ ကိုယ်နဲ့မဆိုင်။ ဒါက ပညာရှင်တွေ အလုပ်သက်သက် ဖြစ်သည်။

ဒါဆို ဘာကြောင့် Myanmar Unicode ကိုပြောင်းသုံးမည်နည်း။ Myanmar Unicode
စနစ်ကို end-user level (စာစီစာရိုက်) တွေမှာသုံးခြင်းဖြင့် ကိုယ့်အတွက်
ရရှိနိုင်မဲ့ အကျိုးကျေးဇူးတွေကို အောက်မှာ ဖော်ပြလိုက်ရပါတယ်။

််် စက်ဝိုင်းများ
Myanmar Unicode မှာပါတဲ့ စက်ဝိုင်းတွေကို အထင်မသေးပါနဲ့။ တကယ်
စာရိုက်တဲ့နေရမှာ အတော်အထောက်အကူ ပြုပါတယ်။ အရင် ZawGyi တုန်းက အသတ်တွေ၊
တချောင်းငှင်တွေ နှစ်ခါသုံးခါ ရိုက်မိရင် ဘယ်လိုမှ မသိနိုင်ပါဘူး။
ဘာလို့ဆို သူတို့က ထပ်ထပ်နေတော့၊ ဘယ်နှစ်လုံးရိုက်မိမှန်းမသိ၊
ပြန်ဖျက်ရတာလဲ ဘယ်နှစ်လုံးပြန်ဖျက်ရမှန်းမသိ၊ တော်တော် ရှုပ်ပါတယ်။
မဖျက်ဘဲ ထားပြန်ရင်လဲ မဲမဲကြီးတွေ ဖြစ်နေပြီး တော်တော်ကြည့်ရဆိုးပါတယ်။
Myanmar Unicode မှာ အသတ်နှစ်ခါ ်် ရိုက်မိရင် ဝလုံးနဲ့ပြပါတယ်။ အမှားကို
ချက်ချင်းမြင်ပြီး ချက်ချင်းပြင်နိုင်ပါတယ်။ ဒါကြောင့် Myanmar Unicode
သုံခြင်းဖြင့် ဗမာစာ ရေးရတဲ့ စိတ်ရှုပ်စရာတွေ နဲသွားပါမယ်။ နောက်ပြီး
ZawGyi မှာ ြျှုူ် တွေဒီအတိုင်းပြချင်ရင် ပြလို့ကို မရပါဘူး။ တခုနဲ့တခု
ထပ်ပြီးနေတော့တာပါဘဲ။ ဒီလို အက်ခရာတခုချင်း ရိုက်မရတာ တကယ်တော့
သိပ်အဓိပါယ်မရှိပါဘူး။ အသုံးပြုသူတွေ အနေနဲ့ ရေးချင်ရေးနိုင်အောင်
ခွင့်ပြုထားသင့်ပါတယ်။ ဒီမှာတော့ အက်ခရာနေရမှာတောင် ဝလုံး
အစက်လေးတွေတောင် ပြထားတော့ အရမ်းကို အဆင်ပြေပါတယ်။

Limited Spell Checker
ဉလေးကို ဥ နဲ့လွဲလွဲပြီး အစဉ်တစိုက်ရေးခဲ့ပါသလား? ဟုတ်ပါတယ်၊ ကျွန်တော်လဲ
အရင်က ဒီလိုဘဲ ရေးလာတာပါ။ ခု Myanmar Unicode ပြောင်းသုံးလိုက်တော့ သူက
ရေးခွင့်ကို မပေးပါဘူး။ စလုံးရေး ဥသတ်ဆို "စဥ်" ဆိုပြီးပြပါတယ်။ စလုံးရေး
ညလေးသတ် ဆိုမှ "စဉ်" လို့အမှန်ပြပါတယ်။ ကဲ၊ ဘယ်လောက်မိုက်သလဲ။ ဉလေးမှ
မဟုတ်ပါဘူး၊ Myanmar Unicode မှာ ရေးထုံးမမှန်ရင် ဒီလို ဝလုံးတွေနဲ့
ပြပါတယ်။ ကြိး (လုံးကြီးတင်နဲ့ဆို မှား) -> ကြီး (လုံးကြီးတင်စံခတ်မှ
အမှန်) ၊ ဥာဏ် (ဥရေးချာဆို မှား) -> ဉာဏ် (ဉလေးမှ အမှန်)၊ ေဝ
(သုညနှင့်ပေါင်းလျှင် မှား) -> ဝေ (ဝလုံးနဲ့မှ အမှန်)၊ စသည်ဖြင့်
ပြပေးတော့ ကိုယ့်အမှားကို ချက်ချင်းသိ ချက်ချင်းပြင်နိုင်တာပေါ့။ အရင်က
ကိုယ်ဒီလိုရေးရင် မှားမှန်းကို မသိခဲ့တာတွေ Myanmar Unicode
ပြောင်းသုံးတော့မှ အမှားတွေမှန်းသိလာ ခဲ့ရပါတယ်။ ဒီတော့ Myanmar Unicode
ကိုပြောင်းသုံးကြည့်ပါ၊ သင့်ရဲ့ရေးထုံး သတ်ပုံတွေ ပိုမှန်လာတာကို
တွေ့ရပါလိမ့်မယ်။

Automatic Character Shaping
ဗမာစာရေးရင် စိတ်ပျက်စရာ အကောင်းဆုံးအချက်တခုပါ။ နငယ် ၁ချောင်းငင် နု
ရေးဖို့ နငယ်ကို Shift ဖိနှိပ်ဖို့ မေ့သွားပါသလား၊ ZawGyi မှာဆို
ပြန်ဖျက်ပြီး ပြန်ရေးရပြီ။ ဗမာစာတွေ စာပိုဒ်လိုက် ရေးဖူးရင်
ဒီလိုပြန်ပြန်ဖျက်နေရတဲ့ ဒုက္ခတွေ သိမှာပါ။ ရပင်းတွေ ရရစ်တွေဆိုလဲ
ဒီအတိုင်းပါဘဲ။ ရရစ်အကြီးအသေးခွဲခွဲရေးရတာ တင်မကဘူး၊ တခါတလေ
လုံးကြီးတင်ထားဖို့ အပေါက်ဖောက်ရမလား၊ မဖောက်ရဘူးလားဆိုတာပါ
ထည့်စဉ်းစားနေရတော့ ရေးရတာ တော်တော် ခရီးမတွင်ပါဘူး။ မှားရင် ပြန်ဖျက်၊
ပြန်ပြင်ရေးရပါသေးတယ်။ ဒီလိုသေချာ မစဉ်းစားဘဲ ရေးချင်သလိုရေးပြန်ရင်လဲ
စာကကြည့်လို့ မလှပါဘူး။ လုံးကြီးတင် ပါတာကို ရရစ်မှာ အဖောက်မဖောက်မိရင်လဲ
ကြည့်ရဆိုးပါသေးတယ်။

Myanmar Unicode ပြောင်းသုံးလိုက်တာနဲ့ ဒီဒုက္ခတွေ လုံးဝကို
ကင်းဝေးသွားပါတော့တယ်။ ရရစ်အသေးလား အကြီးလား စဉ်းစားစရာ လိုကို
မလိုတော့လို့၊ စာရေးနှုန်းက သိသိသာသာကို တိုးတက်လာမှာ သေချာပါတယ်။
ရရစ်ကို လုံးကြီးတင်လိုက်ရင်၊ သူ့ဟာသူ အပေါက်ဖောက်သွားပါတယ်။ ဘယ်လောက်
မိုက်သလဲ။ ဒါကြောင့် ဥပမာ ကိုယ်ကစာစီစာရိုက် လုပ်ငန်းလုပ်တယ်၊ Unicode
နဲ့မဆိုင်ဘူးဆိုတာ မှန်တော့မှန်ပါတယ်။ ဒါပေမဲ့ Myanmar Unicode
သုံးလို့မှ typing ပိုမြန်မယ်ဆိုရင် (standard ဟုတ်တာမဟုတ်တာ အပထား)
ပြောင်းမသုံးသင့်ပေဘူးလား။

Pretty Character Shaping
ZawGyi မှာရိုက်မရတာတွေ ရှိတယ်၊ ဥပမာ "မြှောက်စား" လို့ရေးချင်ရင်
"မြောက်စား" လို့ဘဲ ရေးလို့ရတယ်၊ ဟထိုးထည့်ရေးရင် တော်တော်ရုပ်ဆိုးတာ။
Myanmar Unicode သုံးရင် စာလုံးတွေက သူ့ဘာသာသူ shape လုပ်နေတော့ တချို့
ZawGyi မှာ မဖြစ်နိုင်တာ၊ မလှတာတွေ အကုန် လှကုန်ပြီ။ ဥပမာ၊ "လျှင်"
လို့ရေးရင် ဟထိုးက လျှောလျှောလေး design ပြောင်းသွားတယ်။ "ရုပ်ရှင်"
ဆိုရင်လဲ "ရု" မှာရကောက်က ပိုတိုပေးထားတယ်။ ဒါတွေက ဟိုရှေးကတည်းက ရှိတဲ့
ဗမာစာရေးထုံးတွေပါ။ အရင်တုန်းက computer ပေါ်မှာပုံဖော်လို့ မရဘဲ၊
ခုမှရတာပါ။ ဒါကြောင့် စကားကြီးစကားကျယ်ပြောရရင်၊ ရှေးမူလဲ ထိမ်းသိမ်းရာ
ရောက်တာပေါ့။ ကိုယ့်အတွက်တော့ ဒီလိုစကားလုံး လှလှလေးတွေနဲ့ စာရေးရတာ
ပိုမမိုက်ပေဘူးလား?

Multiple Font Faces
ဒါကတော့ အလှအပမက်တဲ့သူတွေ အတွက် သက်သက်ပါ။ အရင်တုန်းက Win တို့၊ CE
တို့သုံးခဲ့တာကို မှတ်မိမှာပါ။ Word ထဲမှာ စိတ်ကြိုတ် font face
ရွေးပြီးမှ ရေးခဲ့တာပါ။ ZawGyi ခေတ်ရောက်တော့ font face ဆို လုံးတုံးတုံး
ZawGyi တမျိုးဘဲ ရပါတယ်။ ဒါကြောင့် Web သမားတွေလောက်ဘဲ ZawGyi
ပြောင်းသုံးပြီး၊ တချို့ Win ဘဲသုံးနေပါသေးတယ်။ ခုတော့ Myanmar Unicode
မှာ font face တွေအများကြီးသုံးလို့ ရနေပါပြီ။ နောက်လဲ ထပ်ထွက်ဖို့
ရှိပါတယ်။ ZawGyi တုန်းက font face တမျိုးထဲမို့ မသုံးဘဲ Win
ဘဲလက်ဆွဲလုပ်ခဲ့သူတွေတောင် Myanmar Unicode ပြောင်းသုံးဖို့
အသင့်တော်ဆုံး အချိန်ဖြစ်ပါတယ်။ Font face လဲ မျိုးစုံရတယ်၊ English
နဲ့ဗမာတင်မက တခြားတိုင်းရင်းသာစာတွေပါ ရိုက်လို့ရတယ်ဆိုတာ၊ computerized
Myanmarsar မှာခုမှ ရတာဖြစ်ပါတယ်။

ဒါကြောင့် Myanmar Unicode ပြောင်းသုံးဖို့ ဘာလို့ လက်တွန့်နေပါသေးလဲ။
Standard ကိစ္စတွေ၊ sorting/searching တွေ၊ နောက် Internet ပေါ်က
standard တိုက်ပွဲတွေကို မေ့လိုက်ပါ။ Myanmar Unicode ပြောင်းသုံးလို့
ကိုယ့်အတွက် အကျိုးကျေးဇူးတွေ တပုံကြီးရမှာ ဖြစ်ပါတယ်။ ဒါကြောင့် ကိုယ်က
Unicode ပြောင်းသုံးရင် ကိုယ့်သူငယ်ချင်းတွေ ဖတ်မရမှာ စိုးရိမ်နေမဲ့အစား
ခုနကပြောထားတဲ့ Unicode အကျိုးကျေးဇူးတွေကို ကိုယ့်သူငယ်ချင်းတွေပါ
ပြောပြပြီး သူတို့ကိုပါ Myanmar Unicode သုံးအောင် ဆွယ်လိုက်ကြရအောင်။

--
...
...
.......................................
kyawzwathant@gmail.com

5c151ded9d436d83dcca631251fb90dd